2013 jyly Elbasy Nursultan Nazarbaev «Qazaqstan Respýblıkasyndaǵy kásiptik jáne ózge de merekeler» týraly Jarlyqqa ózgeris engizip, qyrkúıektiń ekinshi jeksenbisin Otbasy kúni dep belgilegen bolatyn.
«Bizdiń qoǵamda otbasy árqashanda rýhanı jáne mádenı dástúrlerdiń saqtaýshysy, túrli býyndar arasyn jalǵastyrýshy boldy jáne solaı bolyp qala bermek. Otbasy kúni bizdiń qoǵamymyzda rýhanılyqty, ónegelilikti nyǵaıtýǵa, erli-zaıyptylar jaýapkershiliginiń mańyzdylyǵyn sózsiz moıyndaýǵa yqpal etedi», degen edi Elbasy Otbasy kúnine arnalǵan alǵashqy quttyqtaýynda.
Otasy kúni elimizdiń túkpir-túkpirinde jergilikti atqarýshy organdar tarapynan úlgili otbasylarǵa syı-qurmet kórsetiledi. 2014 jyldan beri Elbasy usynysymen atalmysh merekege oraı «Mereıli otbasy» ulttyq baıqaýy ótkizilip keledi.
Qaı ýaqytta bolmasyn otbasynyń adamzat urpaǵyna yqpalyn ómirdegi basqa esh nárseniń kúshimen salystyrýǵa bolmaıdy. «Otan – qýat, otbasy – shýaq» dep biletin ultymyz otbasynyń tynyshtyǵy men qundylyqtaryn birinshi orynǵa qoıǵan. Bala tárbıesine jiti mán bergen. Qazaq tanymyndaǵy áke-sheshe, aǵa-inige, týǵan-týysqa qatysty maqal-mátel men ańyz-ápsananyń bári de shańyraqqa uıalaǵan shattyqty saqtaýǵa úndeıdi. «Áke – asqar taý, ana – baýraıyndaǵy bulaq, bala – jaǵasyndaǵy quraq», «Áke kórgen oq jonar, sheshe kórgen ton pisher», «Aǵasy bardyń jaǵasy bar, inisi bardyń tynysy bar» dep halqymyz qashan da otbasyndaǵy ár adamnyń mártebesin bekitip, bekemdep otyrǵan.
